سلام آباد (پ ر)چیئرمین قائمہ کمیٹی گلگت بلتستان کونسل محمد ایوب شاہ کی زیر صدارت ممبران کونسل شیخ احمد علی نوری ، سید شبیہ الحسنین اور عبد الرحمن کا ایک ہنگامی اجلاس کونسل سیکریٹریٹ اسلام آباد میں منعقد ہوا جس میں دیامر بھاشہ ڈیم کے حوالے سے احتجاج کرنے والے جی بی کے غیور عوام کے ساتھ اظہار یکجہتی کرتے ہوئے دیامر کے عوام کے چارٹر آف ڈیمانڈ کی مکمل حمایت کا اعلان کیا۔انہوں نے کہا کہ وفاق کی جانب سے گلگت بلتستان جیسے حساس خطے کو ڈیم کی رائلٹی،بنیادی حقوق اور جائز مطالبات کو نظر انداز کرنا بدنیتی پر مبنی ہے لہذا وفاق کو چاہئے کہ وہ فلفور متاثرین دیامر ڈیم کے مطالبات کو منظور کرائے تاکہ علاقے میں امن اور وطن عزیز کے ساتھ رشتہ مزید مضبوط و مستحکم ہو جائے،انہوں نے مزید کہا کہ ہم ممبران کونسل دیامر ڈیم متاثرین کے شانہ بشانہ کھڑے ہیں اور ہر فورم پر جائز مطالبات کے حل کے لیے کوشش کریں گے۔
