پاکستان کی اوپننگ جوڑی کا مسئلہ بابر اور رضوان نہیں بلکہ صائم ہے ،شاہد آفریدی

 سابق کپتان شاہد آفریدی نے ٹی ٹونٹی ورلڈ کپ 2024 کے لیے پاکستانی ٹیم کی ابتدائی جوڑی کے بارے میں اپنی رائے کا اظہار کیا ہے۔ شاہد آفریدی کا ماننا ہے کہ اگر صائم ایوب پاکستان کے لیے اننگز کا آغاز کرنا چاہتے ہیں تو انہیں بلے سے زیادہ مستقل مزاجی کی ضرورت ہے۔ شاہد آفریدی نے ایک مقامی نیوز چینل پر بات کرتے ہوئے کہا کہصائم کا مسئلہ ہے بابر اور رضوان کا نہیں۔صائم کو کئی مواقع دیئے گئے لیکن وہ ڈیلیور کرنے میں ناکام رہے۔ بہت سے لوگ اس کے ٹیلنٹ کے مداح ہیں لیکن ہمیں صائم سے رنز کی ضرورت ہے کیونکہ اوپننگ سٹینڈ کھیل کا ایک اہم حصہ ہے۔ مجھے لگتا ہے کہ اس نے 15 ٹی ٹونٹی اننگز کھیلی ہیں لیکن ابھی تک وہ پچاس سکور نہیں کر سکے ہیں ۔ شاہد آفریدی نے مزید کہا کہ صائم کو میچوں کے دوران زیادہ ذمہ داری کا مظاہرہ کرنے اور ہر پانچ اننگز میں سے کم از کم دو میں میچ وننگ رنز بنانے کی ضرورت ہے۔ہم نے ابھی تک صائم کی طرف سے یہ نہیں دیکھا ہے لیکن اسے مزید مواقع مل سکتے ہیں۔ اگر یہ کام نہیں کرتا تو پاکستان فخر زمان کو ورلڈ کپ کے دوران بطور اوپنر موقع دے سکتا ہے۔ صائم ایوب نے T20I کرکٹ میں پاکستان کے لیے 15 اننگز میں 125.86 کے اسٹرائیک ریٹ سے 219 رنز بنائے ہیں۔ ان کا سب سے زیادہ اسکور 14.60 کی اوسط کے ساتھ 49 ہے۔ واضح رہے کہ پاکستانی ٹیم اس وقت آئرلینڈ اور انگلینڈ کے خلاف ٹی ٹوئنٹی سیریز کی تیاریوں میں مصروف ہے۔ مین ان گرین ٹی ٹوئنٹی ورلڈ کپ کے لیے امریکہ روانہ ہونے سے قبل اس ماہ آئرلینڈ کے خلاف تین اور انگلینڈ کے خلاف 4 میچ کھیلے گی۔